Fundarstjórn :

• Hörður Torfason

Ræðumenn :

• Björn Þorsteinsson, heimsspekingur
• Ragnhildur Sigurðardóttir, sagnfræðingur

Útifundir

Almennt var fólk sammála um að njóta samveru ættingja og vina og halda vel utanum jólin og hvíla sig á mótmælum á Austurvelli á meðan, en byrja á ný strax á milli jóla og nýárs.

Ríkisstjórnin, stjórnir Seðlabankans og Fjármáleeftirlitsins, bankastjórar og auðmenn sem hafa leikið almenning þessa lands illa skulu ekki halda að það sé að draga úr krafti mótmælanna. Það er af og frá. Reyndar er ætlunin að efla þau og styrkja ef eitthvað er.

Boðað er til mótmælafundar á Austurvelli næstkomandi laugardag, 27. desember, klukkan 15.00 og er þetta 12 laugardagurinn í röð.  Ræðumenn að þessu sinni eru:

Björn Þorsteinsson, heimsspekingur
Ragnhildur Sigurðardóttir, sagnfræðingur

Fundarstjóri er sem fyrr Hörður Torfason.

Mótmæli á vegum Radda fólksins eru friðsamleg.

Útifundir

Alþingismenn, Rikisstjórn Íslands.

Um leið og Raddir fólksins senda þingmönnum og ríkisstjórn landsins jólakveðjur viljum við vinsamlegast biðja ykkur að nota kyrrð jólanna til að íhuga stöðu ykkar.

Vikum saman hefur krafa þúsunda Íslendinga á Austurvelli verið skýr. Við krefjumst þess að ríkisstjórnin og stjórnir Seðlabankans og Fjármálaeftirlitsins víki tafarlaust.

Þrátt fyrir að kannanir sýni óyggjandi að ríkisstjórnin er rúin trausti þorra landsmanna og almenn krafa er uppi um tafarlausa uppstokkun og kosningar stritar stjórnin við að sitja í óþökk þjóðarinnar.

Enginn ykkar hefur séð sóma sinn í að axla pólitíska ábyrgð á þeim efnahagslegu hryðjuverkum sem þið hafið leitt yfir þjóðina. Embætti ríkissaksóknara er haldið í fjársvelti, efnahagsdeild lögreglunnar er nánast þurrkuð út og sömu bankamennirnir og útrásarvíkingarnir glíma við rústabjörgun í skjóli stjórnmálamanna.

Raddir fólksins hafa mótmælt landráðum ykkar á friðsamlegan hátt með von um að þið sýnið af ykkur þann manndóm að biðja þjóðina opinberlega afsökunar á framferði ykkar og viðurkenna vanmátt ykkar og getuleysi að ráða við ástandið.

Það verður hins vegar ljósara með hverjum degi sem líður að einbeittur vilji ríkisstjórnar að ganga á svig við lýðræðið í landinu kallar á siðrof milli þings og þjóðar.

Það siðrof mun óhjákvæmilega hafa í för með sér harðari mótmæli þorra landsmanna og einbeittari kröfur um tafarlausa afsögn ríkisstjórnarinnar. Landsmenn láta ekki ráðalausa ríkisstjórn kúga sig.

Fréttir

Fundarstjóri :

• Hörður Torfason

Útifundir

Fimmtudaginn 18. desember áttu talsmenn Radda fólksins fund með viðskiptaráðherra þar sem þeir kröfðu hann um tafarlausan brottrekstur æðstu stjórnenda nýju bankanna.

Fall gömlu bankanna þriggja, Glitnis, Landsbankans og Kaupþings, í byrjun október sl. markaði upphafið að ferli sem virtir íslenskir hagfræðingar hafa líkt við að nifteindasprengju væri varpað á Ísland. Efnahagslegur grundvöllur landsins hefur verið þurrkaður út og Íslendingar standa ráðþrota eftir með drápsklyfjar sem stjórnvöld, útrásarvíkingar og forsvarsmenn gömlu bankanna hafa kallað yfir almenning með vítaverðu sinnuleysi og vankunnáttu.

Ljóst er að stjórnendur gömlu bankanna fóru offari í skjóli máttlítilla ríkisstofnanna og stórhættulegra tengsla ráðamanna og peningafursta. Þannig námu umsvif gömlu bankanna a.m.k. 12 földum tekjum ríkisins á ársgrundvelli og engin von til þess að ríkið gæti hlaupið undir bagga með bönkunum ef illa færi.

Segja má að víxlverkandi áhrif glæpsamlegrar vankunnáttu æðstu stjórnenda gömlu bankanna, einbeittur brotavilji svokallaðra útrásarvíkinga og algert getuleysi ríkisstjórnar og ríkisstofnanna að bregðast við vandanum hafi varðað leiðina í mesta efnahagshruni sem dunið hefur yfir þjóðina.

Það er því grafalvarlegt og með öllu óásættanlegt að margir æðstu stjórnendur gömlu bankanna hafi verið endurráðnir í æðstu stjórn nýju bankanna, þ.m.t. bankastjórar Glitnis og Landsbankans. Þessi glæpsamlega ráðstöfun gjaldfellir trúverðugleika nýju bankanna og gerir þá að aðhlátursefni um heim allan. Það er skilyrðislaus krafa Radda fólksins að þessir stjórnendur verði tafarlaust reknir og rannsókn hafin á því hvernig stendur á aðkomu þeirra að nýju bönkunum. Raddir fólksins lýsa fullri pólitískri ábyrgð á hendur þeim sem þannig véluðu með fjöregg þjóðarinnar og telja einsýnt að þeir ráðamenn sem áttu hlut að máli axli ábyrgð og segi af sér.

Kröfur

Við landsmenn förum þess einarðlega á leit við yður, hæstvirtan forseta Íslands Ólaf Ragnar Grímsson, að þér í krafti embættisins hafnið samþykki á fjárlögum þeim sem núverandi ríkisstjórn hefur lagt fram.

Fjárlagafrumvarpið mun velta gríðarlegum skuldaklafa yfir á almenning í landinu til margra ára, skuldum sem til var stofnað af óheilindum af hálfu athafnamanna sem störfuðu í skjóli stjórnmálaflokka, stjórnsýslu og stofnanaumhverfis sem hafa algerlega brugðist hlutverki sínu.

Frumvarpið er mesta aðför sem nokkru sinni hefur verið gerð að sjúkrahúsum, heilbrigðisstofnunum, öldrunarheimilium, framhaldsskólum, háskólum og flestum öðrum þeim stofnunum sem almennt gera Ísland að vestrænni menningarþjóð. Það eykur misskiptingu í samfélaginu, leggur auknar álögur á þá sem minnst mega sín og neyðir fleiri en ella til að draga fram lífið á bótum sem ekki duga til framfærslu.

Frumvarpið festir í sessi þá ætlun ríkstjórnarinnar að láta almenning í landinu borga brúsann fyrir fjármálaóreiðu, ábyrgðarleysi og óheilindi fjárglæframanna og vina þeirra í núverandi og fyrrverandi ríkisstjórn í stað þess að sækja þá til saka sem raunverulega ábyrgð bera.

Frumvarpið mun einnig staðfesta hagstjórn Alþjóðagjaldeyrissjóðsins yfir Íslandi næstu árin og binda börn okkar og jafnvel barnabörn á skuldaklafa um langt árabil. Frumvarpið er samið að tilmælum Alþjóðagjaldeyrissjóðsins og undir þrýstingi og jafvel kúgun frá ESB og er því aðför að fullveldi Íslands.

Núverandi ríksstjórn ber að stórum hluta ábyrgð á hvernig komið er og er rúin trausti. Þar sem hún var kjörin við allt aðrar aðstæður og til allt annara verka er hún í sjálfu sér umboðslaus til að takast á við verkefnið. Þar sem núverandi Alþingi hefur að því er virðist nánast lagt sjálft sig niður, þá er það óskoruð krafa okkar að þér synjið frumvarpinu samþykkis og að það muni í framhaldinu finna viðeigandi sess á öskuhaug sögunnar.

Ef einhvern tíma í sögu lýðveldisins hefur tilefni verið til slíkrar aðgerðar er það nú. Við landsmenn eigum skýlausan lýðræðislegan og siðferðislegan rétt til þess að fá að segja hug okkar um þetta frumvarp og þar með framtíð þjóðarinnar, í þjóðaratkvæðagreiðslu.

Landsmenn gegn ríkisstjórninni

 Ef þú ert sammála þá vinsamlegst klipptu afrit af áskoruninni og límdu í tölvupóst til forseti@forseti.is, oth@forseti.is

Vinsamlega senda “Cc” á netfangið askorun@this.is - svo við getum fengið einhverja hugmynd um hversu margir taka þátt.

Áskoranir

Þögn kallar alltaf fram kvíða og óvissu þegar beðið er svara, en staðfestu og einurð þegar krafist er svara. Tilgangur þegjandi mótmæla er að bregðast öðruvísi við.

Þögn gegn þögn. Þögn gegn þvingun.

Þögn gefur tíma til að hugleiða. Og í þögninni má hreyfa sig, hvísla mjög lágt og snertast. Í þögninni má lesa líkamsmál. Í þögninni er leitað nýrra leiða. Í þögninni geta þeir sameinast sem greinir á í orðum.

(Ávarp Harðar Torfasonar á Austurvelli 13. desember 2008)

Útifundir

Fundarstjórn :

• Hörður Torfason

Útifundir

Fimmtudaginn 11. desember sl. báðu talsmenn Radda fólksins Ríkissaksóknara um tafarlausa rannsókn á falli Glitnis á grundvelli X. kafla almennra hegningarlaga.

Ljóst er að þrátt fyrir þrálátan orðróm um meinta refsiverða háttsemi þátttakenda í falli Glitnis og setningu neyðarlaga í kjölfarið hefur dómsvaldið enn ekki hafist handa um rannsókn málsatvika.

Á síðustu dögum hefur komið fram að endurskoðendur stærstu hluthafa Glitnis hafa mánuðum saman verið í fullri vinnu við að endurskoða sjálfa sig án vitneskju yfirstjórnar Fjármálaeftirlitsins og bankamálaráðherra um meint ólögmæt hagsmunatengsl.

Þá hefur einnig komið fram að formann bankastjórnar Seðlabankans og forsætisráðherra greinir á um grundvallaratriði í undanfara falls Glitnis.og fjármálaráðherra er uppvís af missögnum og grundvallarþekkingarleysi í aðkomu að málinu.

Í þessari grafalvarlegu stöðu, þar sem sjálfum grundvelli réttarríkisins er ógnað af þeim sem síst skyldu, hefur dómsvaldið brugðist skyldum sínum. Ljóst er að dómsmálaráðherra hefur sýnt vítavert sinnuleysi í viðbrögðum við einum stærsta vanda sem dunið hefur yfir þjóðina. Dómsmálaráðherra ber því að axla ábyrgð og segja tafarlaust af sér.

Kröfur

Síðastliðinn laugardag, 6. desember, voru boðaðar breytingar á mótmælum þeim sem hafa verið haldin á Austurvelli síðan 11. október undir yfirskriftinni Breiðfylking gegn ástandinu. Einnig var skýrt frá því að gripið yrði til ýmissa aðgerða sem verða tilkynntar fjölmiðlum með stuttum fyrirvara. Nú verður breyting á formi mótmælanna.

Sem fyrr hefjast þau stundvíslega klukkan 15.00 á Austurvelli þegar Dómkirkjuklukkan slær. En í stað þess að hlusta á ræður er fólk hvatt til að líta til Alþingishússins, lúta höfði og hafa þögn í nákvæmlega 17 mínútur.

Kröfurnar eru enn þær sömu og fyrr:

Tekið skal fram að mótmælin og allar aðgerðir á vegum Radda fólksins eru alltaf friðsamlegar.

Fundarstjóri er sem fyrr; Hörður Torfason.

Tilkynningar